ಕಾರಣ (poem)

               ಹೇಳಿ ಹೋಗು  ಹುಡುಗಿ   ಕಾರಣ
               ಅದರಲಿ ಇರಲಿ ಒಪ್ಪ ಓರಣ 
               ತೊರೆವಾಗ ನನ್ನ ಬಾರದಾಯ್ತೆ ಕರುಣ
               ಬಾಡಿದೆ ಗೆಳತಿ  ಮನದ   ತೋರಣ .

               ಉಷೆ ಬಿಡುವ ಮೊದಲು ಕಣ್ಣ
               ಬಾನು ಚೆಲ್ಲೊ ಮೊದಲು ಬಣ್ಣ
               ಸೂರ್ಯ ರಶ್ಮಿ ತಾಗಿ ಮಣ್ಣ
               ಪಕ್ಷಿ ಧ್ವನಿ ಕೇಳಿ ಸಣ್ಣ ||ಹೇಳಿ ಹೋಗು ||

               ಹಕ್ಕಿ ಗೂಡು ಸೇರೋ ಸಮಯ
               ಆಲಿಸಿ ಗಂಗೆ-ಗೌರಿಯ ಕರೆಯ
               ರವಿ ಮುಳುಗಿ ಸೇರಿ ಧರೆಯ
               ಮನೆಯ ದೀಪ ನುಂಗಿ ತಮೆಯ ||ಹೇಳಿ ಹೋಗು ||

               ರಜನಿ ಜಾರಿ ಹೋಗೊ ಮುನ್ನ
               ಶಶಿ ಸುರಿವಾಗ ಜೇನ ಜೊನ್ನ
                ಚುಕ್ಕಿ ತಾರೆ ಬೆಳಗಿ ಹೊನ್ನ
                ಕಣ್ಣ ಹನಿಯು ಜಾರೋ ಮುನ್ನ||ಹೇಳಿ ಹೋಗು ||


                - ತಾರಾ ಶೈಲೇಂದ್ರ