Tuesday, April 8, 2014

ನೀನ್ಯಾರು? (poem)

                                                       



                                    ಸುಮ್ಮನೆ ಹೀಗೆ
                                     ಬಂದವನಲ್ಲವೇ ನೀನು ?
                                     ತಟ್ಟಿದ್ದೇಕೆ ಮನದ ಕದವ ?
                                     ಬಯಸಿದ್ದೇಕೆ ನನ್ನ ಹಿತವ ?
                                     ತೋರಿದ್ದೇಕೆ ಅಂತಃಕರಣ ?
                                     ಬರೆದಿದ್ದೇಕೆ ಸ್ನೇಹದ ಭಾಷ್ಯ ?
                                     ಮಗುವಿನಂತೆ ಆ ನಿನ್ನ ನಗು
                                     ನಗುವಂತೆ ಮಾಡುವುದು ನನಗು ,
                                     ಸಣ್ಣ ಪುಟ್ಟದ್ದಕ್ಕೆ ಜಗಳ, ರಂಪ
                                     ನನ್ನೆಲ್ಲ ಕಾಟ, ಹುಡುಗಾಟ
                                     ಸಹಿಸುವ ನೀನೆ ಭೂಪ .
                                     ಇರಬಲ್ಲೆನೆ  ನಾ
                                     ನಿನ್ನ ಬಿಟ್ಟು?
                                     ಆ ಯೋಚನೆಯೇ
                                     ತರಿಸುತ್ತದೆ ನನಗೆ ಸಿಟ್ಟು .
                                      ಆದರೆ  ಸಮಾಜದ ಕಟ್ಟುಪಾಡು?
                                       ಜನ ಹಾಡಿದರೆ ಸಂಶಯದ ಹಾಡು?
                                       ನನ್ನ ಅಂತರ್ಮುಖಿ ಮನದ
                                       ಪರಿಧಿ ದಾಟಿದ ನೀನ್ಯಾರು?
                                       ಹಿತೈಷಿಯೊ, ಬಾಲ್ಯಸಖನೊ
                                       ಅಥವಾ ಭಾವಾನುಬಂಧಗಳಿಂದ  ವಿಮುಖನೋ?
                                       ಉತ್ತರಕ್ಕಾಗಿ ಹುಡುಕಿದೆ, ಬೆದಕಿದೆ .
                                       ಆಗ ನನಗನಿಸಿದ್ದು
                                       ಎಲ್ಲ ಸಂಬಂಧಗಳಿಗೆ
                                       ಹೆಸರು ಕೊಟ್ಟರೆ ಸಾಕೆ?
                                       ನಿಸ್ವಾರ್ಥ ಸ್ನೇಹಕ್ಕಿಂತಲೂ
                                       ಅನುಬಂಧ ಬೇಕೆ?


                    -   ತಾರಾ ಶೈಲೇಂದ್ರ 

4 comments:

  1. ಅದ್ಭುತವಾದ ಕವಿತೆ, ಹೇಳಲಾಗದ ತಳಮಳ..

    ReplyDelete
  2. Yella sambhanda galige hesaru kottare saake
    Nisswartha snehakintalu hesaru bekaa ??

    ReplyDelete
  3. This comment has been removed by the author.

    ReplyDelete